Galiciana. Arquivo Dixital de Galicia

Descripción de la colección digital: Galiciana. Arquivo Dixital de Galicia foi creado e desenvolvido pola Administración de Galicia no marco do Proxecto ARPAD cun dobre obxectivo: 1. Facilitar a conservación permanente do patrimonio documental custodiado nos diferentes arquivos de Galicia e 2. Asegurar a máxima visibilidade dese patrimonio e proporcionar a necesaria interoperabilidade cos principais proxectos internacionais de dixitalización, como Hispana, Europeana e a Digital Library of America. Con esta finalidade, o proxecto irá medrando de forma progresiva.

Actualmente integra recursos dixitais procedentes de diversos arquivos do Sistema de Arquivos da Xunta de Galicia (Arquivo de Galicia, Arquivo do Reino de Galicia, Arquivo Histórico Provincial de Ourense, Arquivo Histórico Provincial de Lugo, Arquivo Histórico Provincial de Pontevedra) e doutros arquivos do Sistema de Arquivos de Galicia como os arquivos municipais da Coruña, Ferrol e Tui, o Arquivo da Real Academia Galega ou o Arquivo da Fundación Penzol de Vigo.
Galiciana. Arquivo Dixital de Galicia está xestionada polo Arquivo de Galicia, coa misión de difundir e preservar o rico patrimonio documental galego.

Idiomas: Galego
Castelán